महालक्ष्मी अष्टकं – Mahalakshmi Ashtakam
<p>नमस्तेऽस्तु महामाये श्रीपीठे सुरपूजिते ।<br> शङ्खचक्रगदाहस्ते महालक्ष्मि नमोऽस्तुते ॥१॥<br> नमस्ते गरुडारूढे कोलासुरभयंकरि ।<br> सर्वपापहरे देवि महालक्ष्मि नमोऽस्तुते ॥२॥<br> सर्वज्ञे सर्ववरदे सर्वदुष्टभयंकरि ।<br> सर्वदुःखहरे देवि महालक्ष्मि नमोऽस्तुते ॥३॥</p><p>सिद्धिबुद्धिप्रदे देवि भुक्तिमुक्तिप्रदायिनि ।<br> मन्त्रमूर्ते सदा देवि महालक्ष्मि नमोऽस्तुते ॥४॥<br> आद्यन्तरहिते देवि आद्यशक्तिमहेश्वरि ।<br> योगजे योगसम्भूते महालक्ष्मि नमोऽस्तुते ॥५॥<br> स्थूलसूक्ष्ममहारौद्रे महाशक्तिमहोदरे ।<br> महापापहरे देवि महालक्ष्मि नमोऽस्तुते ॥६॥<br> पद्मासनस्थिते देवि परब्रह्मस्वरूपिणि ।<br> परमेशि जगन्मातर्महालक्ष्मि नमोऽस्तुते ॥७॥<br> श्वेताम्बरधरे देवि नानालङ्कारभूषिते ।<br> जगत्स्थिते जगन्मातर्महालक्ष्मि नमोऽस्तुते ॥८॥<br> महालक्ष्म्यष्टकं स्तोत्रं यः पठेद्भक्तिमान्नरः ।<br> सर्वसिद्धिमवाप्नोति राज्यं प्राप्नोति सर्वदा ॥९॥<br> एककाले पठेन्नित्यं महापापविनाशनम् ।<br> द्विकालं यः पठेन्नित्यं धनधान्यसमन्वितः ॥१०॥<br> त्रिकालं यः पठेन्नित्यं महाशत्रुविनाशनम् ।<br> महालक्ष्मिर्भवेन्नित्यं प्रसन्ना वरदा शुभा ॥११</p>
Tags : Mantra
Category : Mantra
